Josh ka Ramzan

جوش کا رمضان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیسویں صدی کے عظیم شاعر، شاعرِ انقلاب و شباب، شبّیر حسن خاں جوش ملیح آبادی اپنی شعلہ بیان شاعری کے ساتھ ساتھ اپنی خود نوشت “یادوں کی بارات” کے لیے بھی بہت مشہور ہیں۔
اسی خود نوشت میں وہ اپنے ایام طفولیت میں جہاں موسِموں اور ہولی،دیوالی،شب برات جیسے تہواروں کا تذکرہ کرتے ہیں وہیں رمضان کے مبارک مہینے میں ہونے والے خانگی اہتمام کو بھی نہایت بے باکی سے بیان کرتے ہیں۔
اپنے بچپن کے رمضان کو کچھ اس طرح یاد کیا ہے۔۔۔۔۔
“جہاں تک کہ روزہ رکھنے کا تعلق ہے، رمضان ہمارے گھر آتا ہی نہیں تھا،لیکن جہاں تک کہ افطار کا تعلق ہے،رمضان ہمارے گھر میں اس دھوم دھام سے آتا تھا کہ کہیں اور آتا ہی نہ ہوگا۔عقائد کے اعتبار سے میرے آبا و اجداد پکّے مسلمان تھے کہ تمام دینی انجمنوں کو جی کھول کر ہر ماہ چندے دیا کرتے،اور اسلام کے نام پر تَن، مَن، دَھن قربان کر دینے پر ہر وقت آمادہ رہتے تھے۔۔لیکن اعمال کے اعتبار سے رئیس زیادہ اور مسلمان بہت ہی کم تھے۔اور اسی وجہ سے روزہ نہ رکھنے کے باوجود ہمارے گھر میں دس بارہ قسم کی افطاری پکائی جاتی اور اذان سے پیش تر مردانے صحن کے تختوں کے چوکوں پر چن دی جایا کرتی تھی اور کم و بیش سو ڈیڑھ سو اقربا و احباب اور ملازمین ہمارے یہاں روزہ افطار کیا کرتے تھے۔اقربا اور احباب میں اکثریت ہوتی تھی روزہ خوروں کی،البتہ نوّے فی صد ملازم روزہ رکھتے تھے،اور افطار کے بعد شاعری کی محفل گرم ہو جایا کرتی تھی۔”
شرعی احکام کی کسوٹی پر جوش نے جو کچھ بھی بیان کیا ہے وہ قابل گرفت ہے مگر حقیقت کو بے باکی سے بیان کرنے کے لیے جوش کو داد دینا ہوگی۔چلتے چلتے ایک اور نکتے کی بات،ہندستانی تہذیب کے نمائندہ شاعر نظیر اکبرآبادی نے جہاں ہندستانی اور اسلامی تہواروں پر نظمیں کہی ہیں ان میں ہولی،دیوالی،راکھی جیسے ہندستانی تہواروں اور عید،شب برات جیسے اسلامی تہواروں پر بھی نظمیں کہیں ہیں مگر ان کی کلیات میں کہیں بھی رمضان سے متعلق کوئی نظم نہیں ملتی۔اس لحاظ سے ہمیں جوش کا شکر گزار ہونا چاہئیے کہ انھوں نے اپنی خود نوشت میں رمضان کو ایک تہوار کے طور پر یاد کیا ہے۔
خیر ادیبوں کی باتیں الگ نہ ہوں تو ان کا لطف ہی کیا۔
-عشرت صغیر

Josh ka Ramzan

…….BeeswiN sadi ke azeem shayar,shair-e-inquilab o shabab,Shabbir Hasan Khan Josh Malihabadi apni sho’la bayan shairi ke sath sath apni khudnawisht sawaneh “YadoN ki Barat” ke liye bhi mashhoor hain.

Isi khudnawisht mein wo apne ayyam-e-tufuliyat mein jahaN mausimoN aur Holi,Diwali,Shab-e-Baraa’at jaise tehwaroN ka tazkira karte hain wahiN Ramzan ke mubarak maheene mein hone wale khaangi ehtemam ko bhi nihayat bebaaki se bayan karte hain.

Unhone Apne bachpan ke Ramzan ko kuchh is tarah yaad kiya hai…
“JahaN tak ke roza rakhne ka ta’alluq hai,Ramzan hamare ghar aata hi nahiN tha lekin jahaN tak ke iftaar ka ta’alluq hai,Ramzan hamare ghar me is dhoom dhaam se ataa tha k kahiN aur aata hi nahi hoga.Aqaa’id ke aitbaar se mere abaa o ajdaad pakke musalman the ke tamam deeni anjumanoN ko jee khol kar har maah chandey diya karte,aur Islam ke naam par tan,man,dhan qurban kar dene par har waqt amaada rehte the…lekin aa’mal ke aitbar se rais ziyada aur musalman bahut hi kam the.Aur isi wajah se roza na rakhne ke bawajud hamare ghar mein dus barah qism ki iftaari pakai jati aur azaan se peshtar mardaney sehn ke takhtoN ke chaukoN par chun di jaya karti thi aur kam o besh sau dedh sau aqaraba aur ahbab aur mulazemeen hamare yahaN roza iftaar karte the.Aqraba aur ahbab mein aksariyat hoti thi roza khoroN ki albatta nawwe fee sa’d mulazim roza rakhte the,aur iftaar ke ba’d shayari ki mehfil garm ho jaya karti thi.”

Sha’rai ahkaam ki kasauti per Josh ne jo kuchh bhi bayan kiya hai wo qabile giraft hai magar haqiqat ko bebaaki se bayan karne ke liye Josh ko daad dena hogi.Chalte chalte ek nukte ki baat,Hindustani tehzeeb ke numainda shayar Nazeer Akbarabadi ne jahaN Hindustani aur Islami tehwaroN par nazmein kahin hain un mein Holi,Diwali,Rakhi jaise Hindustani tehwaroN aur Eid,Shab-e-Bara’at jaise Islami tehwaroN par bhi nazmein kahi hain magar unki kulliyat me kahiN bhi Ramzan se muta’alliq koi nazm nahi milti.Is lihaz se humeN Josh ka shukr guzar hona chahiye ke unhone apni khudnawisht me Ramzan ko ek tehwar ke taur par yaad kiya hai.

Khair adeeboN ki bateN alag na hoN to un ka lutf hi kya!

—Ishrat Saghir