Josh ke ooper laa-taadaad mazaameen likhey ja chukey hain aur jab tak urdu shanaas is duniya mein maujood hain, mazeed mazaameen bhi likhey jayengay lekin aayye main aap ko Josh se aaj un hi ke alfaaz mein mil waoon, choonkey Josh zabaan o bayaan aur shayar ki haisiyat se aise maqaam per faaiz hain ke mujhe darr hai ke agar apne alfaaz mein unki shakhsiyat ko bayaan karoon toh ain e mumkin hai ke koi aisa lafz tehreer ho jaye jo zabaan o bayaan ya shayri ke meyaar ke munaafi ho lihaaza munaasib yehi hai ke Josh sahab ko Josh sahab ki zabaani hi milte hain aur jaantey hain ke aisi jaame, mutanavve aur hama-geer shakhsiyat ka apne barey mein kya khayal hai.
Apni zaat ko bayaan karte huye Josh kehte hain:
“Apne baab mein kuch arz karna sab se mushkil kaam hai, agar inkesar farmata hun toh jhoot hoga aur agar jo khayalaat mere apne mutaaliq hain, us ka i’aada karta hun toh khud sataaish hogi. Main na khud sataaishi karna chahta hun aur na hi ghalat bayaani. ”
Apni shayri ke aaghaaz ke barey mein Josh sahab ka kehna hai ke:
Iss barbat e sukhan mein hai, kis ki sada na poochh
Mujhe maaloom naheen main ne kyun kar sher kehna shuru kiya.. mere dimagh ki saakht hi kuch aise waqay hui hai, kyun waqay hui, ye toh barha lamba silsila hai, aabaai asraat ke silsiley teen pushton se mujh mein aa rahe thai, kya kya anaasir e tarkeebi mujh mein thai, main naheen keh sakta, bass itna ke main ne nau baras ki umr se sher kehna shuru kiye aur ab main samajhta hun ke gor e ghareebaan mein sher khwani ker raha hun, Illa MashaAllah iss waqt mere samajhne wale koi naheen hain.
Kya apne ma’ani ka main rona ro’oon
Alfaaz naheen koi parakhne wala
Ye mushkil toh hai lekin main samajhta hun ke aalam e insaani mein jab aainda azhaan ki satah baland hogi tab mere sher ki qadar ki jayegi.
Mujhe kabhi apne kisi sher ke barey mein ye khayaal naheen aya ke main saahib e kamaal hun, jis lamhe kisi shakhs ko kisi funn mein ye khayaal paida ho jaye ke main saahib e kamaal hun, usi lamhe uss ka zawaal shuru ho jata hai.. main apne naqaais se hamesha waqif hun, kyun ke main ne jis tarah maamooli shafaq ko dekha hai us khayal ko bees ya pachees fii-sadd hi alfaaz mein bayaan kar saka hun, assi fii-sad ab bhi mere dil mein reh gaya hai.
Kaun samjhe, sher ye kaise hain aur kaise naheen
Dil samajhta hai ke jaise dil mei thai, waise naheen
Main ne apne ehsaasaat ko bayaan karne ki na-taaqati ko mehsoos kiya hai, khayal laa-taadaad hain, un ka koi shumaar naheen, lekin alfaaz gini chuni sawaariyan hain, lakhon khayalaat maflooj ho ker reh jatey hain.. Mujhe alfaaz ki qillat ne maara hai..
Alfaaz laraz ker daal detey hain sipar
Jab guzarti hai ma’aani ki sipaah
Apni nasr ke maamle mein bhi main yehi kahoon ga ke nasr mein bhi alfaaz ki qillat ne hamesha mushkil paida ki.. Yaadon ki baaraat mein bhi yehi mushkil darpesh ayi..iss kitaab ko main ne baqaida shuru se tay karke naheen likha, jo kuch yaad ata raha likhta raha, ab bhi boht si baatein yaad ati hain jo main qalamband naheen kar saka.
Shayri mein shaamil hotey naye rujhaanaat ke barey mein Josh kehte hain ke mai shayri mein ma’aani ko itna martaba naheen deta hun, kyun ke sur ma’aani se naheen taassur se banta hai.
Apne aabaai watan ko yaad karte huye aur bhooli bisri baaton per dil dukhatey huye kehte hain ke dil dukhta hai jab lucknow ko dekhta hun.
Lucknow ki aaj bhi, wo rang ralyaan dil mein hain
Pehle jo zer e qadam theen, ab wo galyaan dil mein hain
Aaney waley daur ki shayri ke barey mein Josh sahab ne kaha ke, aainda shayri ka rang badlega, iss waqt shayri mein jazbaat ka ziyada dakhl hai, agey chal ker science aur tafakkur ka dakhl hoga..
Josh ki zabaani in chand baaton ko mehsoos karke ye andaza lagana mushkil naheen ke isi liye Josh ki khud nawisht sawaaneh hayaat, ‘ Yaadon ki Baaraat’, ek azeem shayar ki aap beeti hone ke sath sath ek tareekh saaz ahd ki tehzeebi zindagi ka dilchasp muraqqa bhi hai.
(Sarwat Zehra Zaidi)
جوش ملیح آبادی سے ملاقات، خود اِن کے الفاظ میں
ثروت زہرہ زیدی
جوش کے اوپر لا تعداد مضامین لکھے جا چکے ہیں اور جب تک اُردو شناس اِس دُنیا میں موجود ہیں، مزید مضامین بھی لکھے جائینگے لیکن آئیے میں آپ کوجوش سے آج اُن ہی کے الفاظ میں ملواوں، چونکہ جوش زبان و بیان اور شاعر کی حیثیت سے ایسے مقام پر فائز ہیں کہ مجھے ڈر ہے کہ اگر اپنے الفاظ میں اُن کی شخصیت کو بیان کروں تو عینِ ممکن ہے کہ کوئی ایسا لفظ تحریر ہو جائے جو زبان و بیان یا شاعری کے معیار کے منافی ہو لہٰذا مناسب یہی ہے کہ جوش صاحب کوجوش صاحب کی زبانی ہی ملتے ہیں اور جانتے ہیں کہ ایسی جامع، متّنوع اور ہمہ گیر شخصیت کا اپنے بارے میں کیا خیال ہے
اپنی ذات کو بیان کرتے ہوئے جوش کہتے ہیں
اپنے باب میں کُچھ عرض کرنا سب سے مشکل کام ہے، اگر انکسار فرماتا ہوں تو جھوٹ ہوگا اور اگر جو خیالات میرے اپنے متعلق ہیں، اس کا اِعادہ کرتا ہوں تو خود ستایش ہوگی۔ میں نہ خود ستائشی کرنا چاہتا ہوں اور نہ ہی غلط بیانی
اپنی شاعری کے آغاز کے بارے میں جوش صاحب کاکہنا ہے کہ ’’ اِس بربطِ سُخن میں ہے، کس کی صدا نہ پوچھ
مجھے معلوم نہیں میں نے کیونکر شعر کہنا شروع کیا۔۔ میرے دماغ کی ساخت ہی کچھ ایسی واقع ہوئی ہے، کیوں واقع ہوئی، یہ تو بڑا لمبا سلسلہ ہے ، آبائی اثرات کے سلسلے تین پُشتوں سے مجھ میں آ رہے تھے، کیا کیا عناصرِ ترکیبی مجھ میں تھے، میں نہیں کہہ سکتا، بس اتنا کہ میں نے نَو برَس کی عمر سے شعر کہنا شروع کئے اور اب میں سمجھتا ہوں کہ گورِ غریباں میں شعر خوانی کر رہا ہوں، اِلّا ماشاءاللہ اِس وقت میرے سمجھنے والے کوئی نہیں ہیں
کیا اپنے معانی کامیں رونا رووں
الفاظ نہیں کوئی پرکھنے والا۔۔۔۔
یہ مشکل تو ہے لیکن میں سمجھتا ہوں کہ عالمِ اِنسانی میں جب آئندہ اذہان کی سطح بلند ہوگی تب میرے شعر کی قدر کی جائیگی۔
مجھے کبھی اپنے کسی شعر کے بارے میں یہ خیال نہیں آیا کہ میں صاحبِ کمال ہوں، جس لمحے کسی شخص کو کسی فن میں یہ خیال پیدا ہو جائے کہ میں صاحبِ کمال ہوں، اُسی لمحے اُس کا زوال شروع ہو جاتا ہے۔۔ میں اپنے نقائص سے ہمیشہ واقف ہوں، کیونکہ میں نے جس طرح معمولی شَفَق کو دیکھا ہے اُس خیال کا بیس یا پچیس فیصد ہی الفاظ میں بیان کر سکا ہوں، اسّی فیصد اب بھی میرے دل میں ہی رہ گیا ہے۔
کون سمجھے، شعر یہ کیسے ہیں اور کیسے نہیں
دل سمجھتا ہے کہ جیسے دِل میں تھے، ویسے نہیں
میں نے اپنے احساسات کو بیان کرنے کی ناطاقتی کو محسوس کیا ہے، خیال لاتعداد ہیں، اُن کا کوئی شُمار نہیں، لیکن الفاظ گِنی چُنی سواریاں ہیں، لاکھوں خیالات مفلوج ہو کر رہ جاتے ہیں۔۔۔ مجھے الفاظ کی قلّت نے مارا ہے۔۔
الفاظ لرزکر ڈال دیتے ہیں سِپر
جب گُزرتی ہے معانی کی سپاہ
اپنی نثر کے معاملے میں بھی میں یہی کہوں گا کہ نثر میں بھی الفاظ کی قلت نے ہمیشہ مشکل پیدا کی۔۔ یادوں کی بارات میں بھی یہی مشکل درپیش آئی۔۔۔ اِس کتاب کو میں نے باقاعدہ شروع سے طے کر کے نہیں لکھا، جو کچھ یاد آتا رہا، لکھتا رہا، اب بھی بہت سی باتیں یاد آتی ہیں جو میں قلمبند نہیں کر سکا۔
اپنے آبائی وطن کو یاد کرتے ہوئے اور بھوُلی بِسری باتوں پر دل دکھاتے ہوئے کہتے ہیں کہ دل دُکھتا ہے جب لکھنئو کو دیکھتا ہوں
لکھنئو کی آج بھی، وہ رنگ رلیاں دل میں ہیں
پہلے جو زیرِ قدم تھیں، اب وہ گلیاں دل میں ہیں
شاعری میں شامل ہوتے نئے رُجحانات کے بارے میں جوش کہتے ہیں کہ میں شاعری میں معانی کو اِتنا مرتبہ نہیں دیتا ہوں، کیونکہ سر معانی سے نہیں تاثّر سے بنتا ہے۔
آنے والے دور کی شاعری کے بارے میں جوش صاحب نے کہا کہ آئندہ شاعری کا رنگ بدلے گا، اِس وقت شاعری میں جذبات کع زیادہ دخل ہے، آگے چل کر سائنس اور تفّکر کا دخل ہو گا۔
جوش کی زبانی اِن چند باتوں کو محسوس کر کے یہ اندازہ لگانا مشکل نہیں کہ اِسی لئےجوش کی خود نوشت سوانحِ
حیات ’’یادوں کی بارات‘‘ ایک عظیم شاعر کی آپ بیتی ہونے کے ساتھ ساتھ ایک تاریخ ساز عہد کی تہذیبی زندگی کا دلکش مُرقّع بھی ہے۔